(+374)312 6 62 39
info@gselection.am
Mon - Fri: 9:00 - 19:00
Թունաքիմիկատները, որոնք օգտագործվում են վնասատուներից և հարուցիչներից դաշտերը պաշտպանելու համար, տասնամյակներ մնում են հողում: Այս եզրակացությանն են հանգել Ամերիկյան քիմիական ընկերության (ACS) շրջակա միջավայրի գիտությունների և տեխնոլոգիայի դեպարտամենտի գիտնականները:Ուսումնասիրությունն իրականացվել է Շվեյցարիայի 100 ֆերմերային տնտեսություններում `հողում թունաքիմիկատների քանակի որոշման, ինչպես նաև դրանց ազդեցությունը հողի առողջության վրա որոշելու համար: Կարևոր է, որ ուսումնասիրությունն իրականացվել է ոչ միայն հողերի մշակման ավանդական տեխնոլոգիա ունեցող ֆերմերային տնտեսություններում, որոնք օգտագործում են բույսերի պաշտպանության միջոցներ, այլև այն տնտեսություններում, որոնք մասնագիտանում են ուղղակիորեն օրգանական արտադրության մեջ ավելի քան քսան տարի:Հետազոտողները չափել են հողի մակերևույթի որակական չափանիշները բնութագրող 46 միացությունների կոնցենտրացիան, որոնք պարբերաբար օգտագործվում են միջատների, սնկային հիվանդությունների և մոլախոտերի դեմ պայքար համար: Փորձագետները հայտնաբերել են թունաքիմիկատների մնացորդներ բոլոր դիտարկվող հողակտորներում, ներառյալ այն գյուղացիական տնտեսություններում, որտեղ տարիներ առաջ կիրառվում է էկոարտադրության (օրգանական) մոդելը:Սինթետիկ քիմիական նյութերի ընդհանուր քանակը և դրանց կենտրոնացումը օրգանական դաշտերում ավելի ցածր է արձանագրվել:Բացի այդ, աշխատանքային խումբը արձանագրել է օգտակար մանրէների ցածր մակարդակ այն դաշտերում, որտեղ անընդհատ կիրառվում է բույսերի պաշտպանության միջոցներ: Ստացված տվյալների հիման վրա գիտնականները եզրակացրել են, որ սինթետիկ քիմիական նյութերի օգտագործումը վատթարանում է հողի առողջությունը և ունի կումուլյատիվ հատկություն:Ուսումնասիրության ընթացքում փորձագետները ապացուցել են, որ օրգանական եղանակով մշակվող դաշտերում թունաքիմիկատների առկայությունը, թունաքիմիկատներ օգտագործվող դաշտերից օդային ճանապարհով փոխանցման հետևանք է:
