Wheat Nirsa

Նիրսան կայանի աշնանացան ցորենի սորտերից է, որը բուծվել է միջսորտային տրամախաչումից /Նիգրիարիստատում 81-81×Լյուտեսցենս 1673/3/:
Սորտը բարձր բերք ապահովում է հանրապետության լեռնային և նախալեռնային գոտիներում: 2006-2007թթ. փորձարկվել է նաև Սիսիանում և Արցախում, որտեղ նույնպես լավ է դրսևորվել:

Տնտեսական արժեքավոր հատկանիշները

Բուսաբանական հատկանիշները

Սորտի այլատեսակը էրիտրոսպերմում է (Triticum aestivum var. erythrospermum):
Հասկը սպիտակ է,պրիզմայաձև,քիստերը 6.5-7.5 սմ երկարությամբ, սպիտակ: Հատիկը կարմիր է, կլորավուն, լավ արտահայտված փոսիկներով:

Ցողունը ամուր, սնամեջ, 85-95 սմ երկարությամբ: Հասկը խոշոր` 9-11 սմ:
Թփի ձևը կանգուն է, տերևը մերկ է` կանաչ գույնի: Հասկիկային թեփուկները ձվանման են (7-9 մմ), շատ թույլ արտահայտված ջղավորությամբ, ատամիկը երկար է, սրածայր, առանց ուսի, ողնուցը ուժեղ արտահայտված:

Ագրոտեխնիկական առանձնահատկությունները

Ինտենսիվ սորտ է, պարարտանյութերի քանակի ավելացումը ուղիղ համեմատական է բերքատվության բարձրացմանը:
Ցանքի նորման 250-300 կգ/հա կամ 5-7 միլիոն ծլունակ հատիկ:
Սերմերը ցանքից առաջ ախտահանվում են` սնկային հիվանդություններից և արմատային փտումից պաշտպանված լինելու համար:
Ցանքը պետք է կատարել այնպես, որ մինչև կայուն ցրտերը (+5,-5) բույսերը լրիվ թփակալված լինեն:
Կախված տվյալ տարվա եղանակային պայմաններից, վեգետացիայի ընթացքում հարկավոր է կատարել մեկ ոռոգում` հասկակալման փուլում: Եթե ցանքի ժամանակաշրջանում չորային է` կատարել ծլաջուր 800-1000 մ3հա ջրի ծախսման նորմայով:
Մոլախոտերի դեմ պայքարի աշխատանքները կազմակերպել վաղ գարնանը` մինչև խողովակակալման փուլի սկիզբը:
Անկախ բոլոր տիպի ագրոտեխնիկական միջոցառումներից, վաղ գարնանը պետք է սնուցել ազոտական պարարտանյութով` 300 կգ/հա:
Նախորդը ցանկալի է լինի բազմամյա կամ միամյա խոտաբույսեր, ինչպես նաև շարահերկ մշակաբույսեր: