Пшеница Гром

Սորտը պատկանում է արժեքավոր ցորենների դասին:
Միամյա փափուկ ցորեն է, այլատեսակը` Lutescens:
Հասկը բրգաձև , ողնուցը միջին խորության, սպիտակ, միջին երկարության: հասկի ծայրին նկատվում են կարճ քիստանման ելուստներ:

Կենսաբանական բնութագիրը

• Ատամիկը կարճ, թույլ թեքված, կարմրահատ:
• Գյումրիի սելեկցիոն կայանը 2011 թվականից զբաղվում է Գռոմ սորտի առաջնային սերմնաբուծությամբ:
• Կայանում` Գռոմ սորտի երկարատև տարիների առաջնային սերմնաբուծության արդյունքում, ադապտացել է ՀՀ բնակլիմայական պայմաններին` բարելավելով հատիկի որակական հատկանիշները:
• Բույսի բարձրությունը 64-89 սմ:
• Հարավային շրջաններում, բարենպաստ պայմաններում բույսի երկարությունը հասնում է մինչև 90 սմ-ի:
• 1000 հատիկի կշիռը` 33-48 գրամ:
• Շրջանացվել է 2006թվականին:

Սորտի առավելությունները

• Ձմեռադիմացկուն է, չի պառկում, մեքենահարմար է, չորադիմացկուն, կայուն` հիվանդությունների նկատմամբ:
• ՈՒնի հացաթխման բարձր որակ:
• 14-170Cդեպքում կատարել ցանք:
• Վաղ ցանքերի դեպքում բույսը ուժեղ թփակալվում է պատրաստվելով ձմեռացման:
• Թույլ թփակալվածները տուժում են վնասատուներից:
• ՈՒշացած ցանքի ժամանակ բույսի արմատային համակարգը չի հասցնում ձևավորվել և միայն բարենպաստ եղանակային պայմաններն են նպաստում լիարժեք ձևավորմանը, որն էլ իր հերթին ձգձգում է աճն ու զարգացումը 20-30%-ով` նվազեցնելով բերքատվությունը:
• Պարարտացումը- ազոտական `400-600 ց/հա, P2O5-50-70ց/հա, K2Օ-60-80 ց/հա:
• Ցանքը կատարվում է 5 մլն ծլունակ հատիկի հաշվով, սակայն հյուսիսային, լեռնային, նախալեռնային շրջաններում մինչև 7 մլն ծլունակ հատիկի հաշվով:
• Հասունացումը- Վեգետացիայի տևողությունը 223-278 օր է: Հասունացման միջին տևողություն ունեցող սորտ է:
• Միջին բերքատվությունը` 53.7 ց/հա:
• Պոտենցիալ բերքատվությունը` 81.8 ց/հա:
• Դիմացկուն է փոշեմրիկի և դեղին ժանգի նկատմամբ, զգայուն` ցողունային ժանգի նկատմամբ:
• Դասվում է ուժեղ ցորենների շարքին:
• Գռոմը, բացի արժեքավոր ցորեն լինելուց, ուժեղ թփակալման շնորհիվ համարվում է նաև հիանալի անասնակեր:

Ագրոտեխնիկական առանձնահատկությունները

• Ինտենսիվ սորտ է, պարարտանյութերի քանակի ավելացումմը ուղիղ համեմատական է բերքատվության բարձրացմանը:
  Ցանքի նորման 300-320 կգ/հա կամ 5-7 միլիոն ծլունակ հատիկ:
• Սերմերը ցանքից առաջ ախտահանվում են սնկային հիվանդություններից և արմատային փտումից պաշտպանված լինելու նպատակով:
• Ցանքը կատարել յուրաքանչյուր գոտուն բնորոշ օպտիմալ ժամկետում, թփակալված բույսի ձմեռացումը լիարժեք անցկացնելու նպատակով:
• Կախված տվյալ տարվա եղանակային պայմաններից, վեգետացիայի ընթացքում հարկավոր է կատարել մեկ ոռոգում` հասկակալման փուլում:
• Եթե ցանքի ժամանակաշրջանում չորային է` կատարել ծլաջուր 800-1000 մ3/հա ջրի ծախսման նորմայով:
• Մոլախոտերի դեմ պայքարի աշխատանքները կազմակերպել վաղ գարնանը` մինչև խողովակակալման փուլի սկիզբը:
• Անկախ բոլոր տիպի ագրոտեխնիկական միջոցառումներից, վաղ գարնանը պետք է սնուցել ազոտական պարարտանյութով` 300 կգ/հա:
• Նախորդը ցանկալի է լինի բազմամյա կամ միամյա խոտաբույսեր, ինչպես նաև շարահերկ մշակաբույսեր: